ԿԱՅՔԻ ՔԱՐՏԵԶ
ԹԵԺ ԳԻԾ
08.01.2019 13:37
Ապօրինի որսի դեպքեր
Ս.թ.հունվարի 6-ին ԱՀ ոստիկանության Հադրութի շրջանային բաժնի ծառայողները պարզել են, որ հունվարի 5-ին ժամը 14:00-ի սահմաններում անհայտ անձը Տումի գյուղի վարչական տարածքում գտնվող «Ղռաց կյումեր» կոչվող տեղամասի հարակից անտառահատվածում ապօրինի որսացել է 1 գլուխ այծյամ:
Պարզվել է, որ նշված հանցագործությունը «ВЕПРЬ-КМ» տիպի հրազենով կատարել է Հադրութի շրջանի բնակիչ, 1978թ.ծնված Ա. Գ-ն :
Ստուգմամբ զբաղվում է ԱՀ ոստիկանության Հադրութի շրջանային բաժինը:
Ս.թ.հունվարի 5-ին ԱՀ ոստիկանության Շահումյանի շրջանային բաժնի ծառայողները պարզել են, որ Քարվաճառ քաղաքի բնակիչ, 1992թ.ծնված Գ. Վ-ն, հունվարի 4-ին ժամը 20:00-ի սահմաններում Քարվաճառ-Տաք ջուր տանող ավտոճանապարհի 3-րդ կիլոմետրին առանց հաշվառման, որսորդական երկփողանի հրացանով ապօրինի որսացել է մեկ վայրի այծյամ:
Գ.Վ-ն բերման է ենթարկվել ԱՀ ոստիկանության Շահումյանի բաժին:
Նշված միսը և հրացանը առգրավված է:
Ստուգմամբ զբաղվում է ԱՀ ոստիկանության Շահումյանի շրջանային բաժինը:
