ԿԱՅՔԻ ՔԱՐՏԵԶ
ԹԵԺ ԳԻԾ
27.02.2018 14:03
Ապօրինի ծառահատում
Փետրվարի 26-ին ԱՀ բնապահպանության և բնական ռեսուրսների նախարարությունից նյութեր են ստացվել ոստիկանության Շահումյանի շրջանային բաժին այն մասին, որ «Արցախանտառ» ՊՈԱԿ Շահումյանի մասնաճյուղի Չարեկտարի անտառպետության թիվ 1 պահաբաժնի «Տանձուտ» կոչվող տեղամասից անհայտ անձինք ապօրինի հատել են 5 տանձենի` բուսական աշխարհին պատճառելով 301.500 դրամի նյութական վնաս:
* * *
Փետրվարի 26-ին ԱՀ բնապահպանության և բնական ռեսուրսների նախարարությունից գրություն է ստացվել ոստիկանության Մարտակերտի շրջանային բաժին այն մասին, որ ս.թ. հունվար ամսվա ընթացքում «Արցախանտառ» ՊՈԱԿ Մարտակերտի մասնաճյուղի Մատաղիսի անտառպետության թիվ 6 պահաբաժնից անհայտ անձանց կողմից ապօրինի հատվել է տարբեր տեսակի 28 ծառ՝ պատճառելով բուսական աշխարհին 218.000 դրամի նյութական վնաս:
* * *
Փետրվարի 26-ին ԱՀ բնապահպանության և բնական ռեսուրսների նախարարությունից գրություն է ստացվել ոստիկանության Մարտակերտի շրջանային բաժին այն մասին, որ 2017թ. նոյեմբեր ամսին «Արցախանտառ» ՊՈԱԿ Մարտակերտի մասնաճյուղի Առաջաձորի անտառպետության թիվ 1 և 4 պահաբաժիններից «Արցախէներգո» ՓԲԸ-ի կողմից ապօրինի հատվել է տարբեր տեսակի 224 ծառ՝ պատճառելով բուսական աշխարհին 1 541 500 դրամի նյութական վնաս :
