ԿԱՅՔԻ ՔԱՐՏԵԶ
ԹԵԺ ԳԻԾ
04.07.2020 13:39
Ապօրինի արտահանել է գործափայտ
Հուլիսի 2-ին ԱՀ ոստիկանության ծառայողը զեկուցագիր է ներկայացրել ԱՀ ոստիկանության Շահումյանի շրջանային բաժին այն մասին, որ ԱՀ ոստիկանության քրեական հետախուզության վարչության ծառայողների հետ համատեղ պարզվել է, որ նույն օրը ժամը 03:20-ին Մարտակերտի շրջանի բնակիչ, 1978թ.ծնված Դ. Օ.-ն Մարտունու շրջանի բնակիչ, 1984թ.ծնված Վ. Ա.-ի կողմից վարվող «ԿԱՄԱԶ» մակնիշի ավտոմեքենայով գարու հացահատիկի անվան տակ, առանց համապատասխան արտահանման փաստաթղթերի, Նոր Խարխափուտ անցակետով ապօրինի արտահանել է 21 մ3 գործափայտ։
Նշված ավտոմեքենան Նոր Խարխափուտ-Վարդենիս ավտոճանապարհի 2-րդ կիլոմետրին կանգնեցվել և տեղափոխվել է շրջանային բաժնի տուգանային հրապարակ:
Ստուգմամբ զբաղվում է ԱՀ ոստիկանության Շահումյանի շրջանային բաժինը: