ԿԱՅՔԻ ՔԱՐՏԵԶ
ԹԵԺ ԳԻԾ
30.05.2020 11:05
ԱՀ ոստիկանությունում ընտրախախտման վերաբերյալ հաղորդում է ստացվել
Մայիսի 26-ին Մարտակերտի շրջդատախազությունից ԱՀ ոստիկանության Մարտակերտի շրջանային բաժին է ստացվել նյութերն այն մասին, որ մայիսի 25-ին շրջդատախազություն մուտքագրված «Իրազեկ քաղաքացիների միավորում» հասարակական կազմակերպության իրավախորհրդատու Վ. Ա.-ի կողմից ներկայացված բողոքում վերջինս մատնանշել է, որ ԱՀ նախագահական ընտրությունների 2-րդ փուլի ժամանակ Մարտակերտի թիվ 2 հիմնական դպրոցում տեղակայված թիվ 4/2 ընտրատեղամասում տեսաձայնագրության հետագա ուսումնասիրության արդյունքում պարզվել է, որ ժամը 12:57-ին անհայտ երիտասարդը պատուհանի գոգին բաց քվեարկություն է անում և ոչ ոք չի նկատում, այնուհետև ժամը 13:13-ին հանձնաժողովի անդամը ստորագրում է լրացուցիչ ցուցակում որպեսզի ընտրի, սակայն այդ ընթացքում տեսագրությունը երկու անգամ 1-2 րոպեով առաջ գնալու հետևանքով չի երևում ընտրություն կատարում է թե ոչ, իսկ 16:33-ին անհայտ կինը պահանջում է մարել քվեաթերթիկը, վերցնում է նոր թերթիկ և կատարում իր ընտրությունը:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
