23.12.2020 12:39
ԱՀ ոստիկանությունը տեղեկացնում է
Ս.թ.դեկտեմբերի 22-ին Роман Ерицян օգտատերն իր ֆեյսբուքյան էջում տարածած տեղեկատվության մեջ նշում է, որ ըստ Մ.Հ.-ի տրամադրած տվյալների վերջինս ոստիկանության ծառայողների կողմից ենթարկվել է խոշտանգումների և բռնի ուժի գործադրման։
Հայտնում ենք, որ ասվածն իրականության հետ կապ չունի, ուստի Роман Ерицян-ին կխնդրեինք զերծ մնալ անհիմն մեղադրանքներից և սպասել նախաքննություն և հետաքննություն իրականացնող մարմինների կողմից տրվելիք եզրակացությանը։
Հավելենք, որ վերոնշյալ անձի կատարած արարքի վերաբերյալ ս.թ.դեկտեմբերի 20-ին ԱՀ ոստիկանության Ասկերանի շրջանային բաժնում հաղորդում կա ընդունված, որի ստուգմամբ զբաղվում է ԱՀ քննչական կոմիտեն։
Հարուցված է քրեական գործ։
Ի գիտություն. Հայտնում ենք, որ ԱՀ ոստիկանության Ասկերանի շրջանային բաժնի ծառայողների կողմից ոստիկանություն բերման ենթարկվելու պահին Մ.Հ.-ի մոտ արդեն առկա էին նշված մարմնական վնասվածքները։