ԿԱՅՔԻ ՔԱՐՏԵԶ
ԹԵԺ ԳԻԾ
10.08.2020 19:42
ԱՀ ոստիկանության պետն ընդունել է ՀՀ-ում ԱՀ մշտական ներկայացուցիչ Սերգեյ Ղազարյանին
Օգոստոսի 10-ին Արցախի Հանրապետության ոստիկանության պետ, ոստիկանության գեներալ-մայոր Աշոտ Հակոբջանյանը հյուրընկալեց Հայաստանի Հանրապետությունում Արցախի Հանրապետության մշտական ներկայացուցիչ Սերգեյ Ղազարյանին: Սերգեյ Ղազարյանը շնորհավորեց Աշոտ Հակոբջանյանին Արցախի Հանրապետության ոստիկանության պետի պաշտոնում նշանակվելու կապակցությամբ։ Նա բարձր գնահատեց համավարակի դեմ պայքարում ոստիկանության կազմակերպված աշխատանքը։
Մշտական ներկայացուցիչը նշեց, որ քաջատեղյակ է ոստիկանությունում նախատեսվող բարեփոխումների ծրագրերին և պատրաստակամություն հայտնեց աջակցելու դրանց իրականացմանը։
Ոստիկանության պետն իր հերթին շնորհավորեց Սերգեյ Ղազարյանին պատասխանատու պաշտոնում նշանակվելու կապակցությամբ և շնորհակալություն հայտնեց համագործակցության պատրաստակամության համար:
Կողմերը քննարկեցին հետագա փոխգործակցության ուղղություններին վերաբերող և փոխադարձ հետաքրքրություն ներկայացնող այլ հարցեր ևս։