ԿԱՅՔԻ ՔԱՐՏԵԶ
ԹԵԺ ԳԻԾ
21.09.2018 17:31
ԱՀ ոստիկանության պետի հանդիպումը ոստիկանության վետերանների հետ
Սույն թվականի սեպտեմբերի 21-ին ԱՀ ոստիկանության պետ, ոստիկանության գնդապետ Իգոր Գրիգորյանը հանդիպեց ոստիկանության մի խումբ վետերանների հետ։
ԱՀ ոստիկանության պետը ոստիկանության վետերաններին ներկայացրեց համակարգում իրականացվող բարեփոխումների ընթացքը, որը միտված է համակարգի թափանցիկության ու քաղաքացիներին մատուցվող ծառայությունները առավել պարզեցնելուն։
Տեղի ունեցավ մտքերի փոխանակում, որի ընթացքում ոստիկանության վետերանները ոստիկանության գործունեության արդյունավետությունը էլ ավելի բարձրացնելու ուղղությամբ ներկայացրին իրենց առաջարկությունները։
Շնորհակալություն հայտնելով հանդիպման հրավերն ընդունելու և ներկայացված առաջարկությունների համար, ոստիկանության պետը համոզմունք հայտնեց, որ ոստիկանության վետերանները իրենց փորձն ու գիտելիքները կփոխանցեն համակարգի երիտասարդ կադրերին և յուրահատուկ կամուրջ կհանդիսանան ոստիկանության և հասարակության միջև։