ԿԱՅՔԻ ՔԱՐՏԵԶ
ԹԵԺ ԳԻԾ
06.11.2018 16:16
ԱՀ ոստիկանության պետի առաջին տեղակալի խորհրդակցությունը ոստիկանության քննչական վարչության անձնակազմի հետ
2018թ. 2-րդ կիսամյակում ԱՀ ոստիկանության ղեկավարության մոտ անցկացվելիք օպերատիվ խորհրդակցությունների պլանի համաձայն` սույն թվականի նոյեմբերի 6-ին ԱՀ ոստիկանության պետի առաջին տեղակալ, ոստիկանության գեներալ-մայոր Անդրանիկ Հակոբյանը օպերատիվ խորհրդակցություն անցկացրեց ԱՀ ոստիկանության քննչական վարչության անձնակազմի հետ։
Խորհրդակցության օրակարգը նվիրված էր առ 01.11.2018թ արդարացման հիմքերով վարույթը կարճված քրեական գործերի ուղղությամբ տարված աշխատանքներին։
Հիմնական զեկույցով հանդես եկավ ԱՀ ոստիկանության քննչական վարչության պետ, ոստիկանության մայոր Նարեկ Գրիգորյանը։
Ընթացիկ տարվա հունվարի 1-ից նոյեմբերի 1-ն ընկած ժամանակահատվածում ԱՀ ոստիկանության ՔՎ քննիչների կողմից վարույթ է ընդունվել ընդհանուր առմամբ թվով 325 քրեական գործ՝ ընդդեմ նախորդ տարվա 279-ի։ Հաշվետու ժամանակահատվածում կարճված 91 քրեական գործերից 44-ը կարճվել է արդարացման հիմքերով, որոնցից 6-ը՝ հանցադեպի բացակայությամբ։
Ոստիկանության պետի տեղակալը, հանգամանալից վերլուծելով նշված քրեական գործերի նախաքննության ընթացքն ու արդյունքները, պահանջեց անշեղորեն պահպանել օրենքի տառը և հնարավոր բոլոր քննչական և դատավարական գործողությունները կատարելուց հետո միայն որոշում կայացնել՝ քրեական հետապնդում հարուցելու մասին։