ԿԱՅՔԻ ՔԱՐՏԵԶ
ԹԵԺ ԳԻԾ
05.09.2018 18:35
ԱՀ ոստիկանության պետի այցելությունը ոստիկանության Մարտակերտի և Շահումյանի շրջանային բաժիններ
Սույն թվականի սեպտեմբերի 4-ին Արցախի Հանրապետության ոստիկանության պետ¸ ոստիկանության գնդապետ Իգոր Գրիգորյանը այցելեց ոստիկանության Մարտակերտի, իսկ սեպտեմբերի 5-ին Շահումյանի շրջանային բաժիններ և հանդիպում ունեցավ անձնակազմերի հետ։ Հանդիպմանը մասնակցում էին տվյալ տարածքային ստորաբաժանումները գործունեությունը վերահսկող ոստիկանության պետի տեղակալները։
Հասարակության անվտանգության և հասարակական կարգի ապահովման, ինչպես նաև հանցավորության դեմ պայքարը առավել արդյունավետ կազմակերպելու ուղղությամբ հստակ հանձնարականներ տալով պատասխանատուներին, ոստիկանության պետը պահանջեց դրսևորել բացարձակ անաչառություն և ամբողջությամբ պարզեցնել քաղաքացիներին մատուցվող ծառայությունները, որպես օրինակ մատնանշելով անձնագրային և վիզաների վարչությունում իրականացված բարեփոխումները, ինչի շնորհիվ ներկայումս մի շարք գործընթացներ, իրականացվում են ոստիկանության տարածքային ստորաբաժանումներում։
- Մեր բարեփոխումների հիմքը քաղաքացու լիարժեք անվտանգության և հարմարավետության, յուրաքանչյուրի խաղաղ և ստեղծարար կենսագործունեության պայմանների ապահովումն է, - նշեց ոստիկանության պետը։
Նշված գործառույթների լիարժեք ապահովման նախադրյալը համարելով ոստիկանության ծառայողների ինչպես մարդկային որակները, այնպես էլ մասնագիտական ունակությունների շարունակական բարձրացման անհրաժեշտությունը, ոստիկանության պետը հանձնարարեց ըստ ստորաբաժանուների իրականացվող պարապմունքների արդյունավետությունը բարձրացնելու նպատակով կազմակերպել դիֆերենցված ստուգարք։