ԿԱՅՔԻ ՔԱՐՏԵԶ
ԹԵԺ ԳԻԾ
30.12.2018 10:46
ԱՀ ոստիկանության պետ, ոստիկանության գնդապետ Իգոր Գրիգորյանի շնորհավորական ուղերձը՝ Ամանորի և Սուրբ Ծննդյան տոների առթիվ
Ոստիկանության կոլեգիայի և իմ անունից շնորհավորում եմ ոստիկանության անձնակազմին, ողջ հայ ժողովրդին՝ Ամանորի և Սուրբ Ծննդյան տոների առթիվ:
Հարգելի արցախցիներ, անցնող տարին ոստիկանության համար ձեռքբերումների տարի էր: Իրականացված նպատակային աշխատանքների շնորհիվ ոստիկանությունը էական հաջողություններ է արձանագրել ինչպես հանցագործությունների կանխարգելման, այնպես էլ դրանց բացահայտման ուղղությամբ իրականացվող աշխատանքներում։
Մեզ հաջողվել է նաև պարզեցնել հանրային ծառայություններ իրականացնող ստորաբաժանումներում քաղաքացիներին մատուցվող ծառայությունները։
2019թ-ին մենք որդեգրելու ենք «Ամեն ինչ հանուն քաղաքացու հարմարավետության» սկզբունքը: Իրականացվող բարեփոխումների հայացեկարգում և համակարգի տեխնիկական և տեխնոլոգիկական զարգացման շրջանակներում շարունակելու ենք ներդնել այնպիսի ծրագրեր, որոնց միջոցով կարդիականացվեն ու արդյունքում առավելագույնս կպարզեցվեն քաղաքացիներին մատուցվող ծառայությունները։
Ի սրտե շնորհավորում եմ բոլորիդ Ամանորն ու Սուրբ Ծնունդը: Մեր ժողովրդին մաղթում եմ առողջություն, անձնական երջանկություն և նորանոր հաղթանակներ:
Թող մեր երկրում խաղաղություն տիրի: 2019թ լինի օրենքի գերակայության, նորարարությունների, բերքառատության և Արցախի շենացման տարի։