ԿԱՅՔԻ ՔԱՐՏԵԶ
ԹԵԺ ԳԻԾ
09.07.2018 12:09
«Մեկ պատուհանի» սկզբունք՝ Արցախի Հանրապետության ոստիկանության անձնագրային և վիզաների բաժնում
Սույն թվականի հուլիսի 9-ին Արցախի Հանրապետության ոստիկանության անձնագրային և վիզաների բաժնում գործարկվեց «Մեկ պատուհանի» սկզբունքով քաղաքացիներին ծառայություններ մատուցելու հնարավորությունը։ Այսուհետ Հանրային ծառայությունների համարանիշ հատկացնելու մասին տեղեկանք (նախկինում՝ սոցիալական քարտ)¸ օտարերկրյա պետություններում անձնագրի վավերականության ժամկետի մասին նշում (վիզա)¸ հաշվառման մասին տեղեկանքի տրամադրումը¸ ինչպես նաև մինչև 16 տարեկան քաղաքացիների անձնագրավորման դիմումները¸ քաղաքացիները կարող են ներկայացնել «Մեկ պատուհանի» սկզբունքով՝ Արցախի Հանրապետության ոստիկանության անձնագրային և վիզաների բաժին։
«Մեկ պատուհանի» սկզբունքով քաղաքացիներին ծառայություններ մատուցելու մեկնարկի արարողությանը ներկա էր Արցախի Հանրապետության ոստիկանության պետ¸ ոստիկանության գնդապետ Իգոր Գրիգորյանը¸ ով կարևորեց ոստիկանությունում իրականացվող շարունակական բարեփոխումների շրջանակներում քաղաքացիներին մատուցվող ծառայությունները օր-օրի ավելի պարզեցնելու և բոլորին հասանելի դարձնելու հրամայականը։