ԿԱՅՔԻ ՔԱՐՏԵԶ
ԹԵԺ ԳԻԾ
18.09.2018 12:10
«Կակաչ-Կանեփ-2018 » համալիր կանխարգելիչ միջոցառման առաջին արդյունքները
Ս.թ.սեպտեմբերի 17-ին ԱՀ ոստիկանության Մարտակերտի շրջբաժնի քրեական հետախուզության բաժանմունքի ծառայողները, «Կակաչ-Կանեփ» համալիր միջոցառման ժամանակ ապօրինի թմրանյութ պահելու կասկածանքով ԱՀ ոստիկանության Մարտակերտի շրջբաժնի Վանքի բաժանմունք բերման են ենթարկել Վանք գյուղի բնակիչ, 1973թ. ծնված Ն. Շ-ին, ում տաբատի գրպանում՝ ծխախոտի տուփի մեջ, հայտնաբերվել է մոտ 0.03գրամ քաշի չորացված և մանրացված թմրանյութի նմանվող զանգված:
Նույն օրը՝ միևնույն միջոցառման շրջանակներում, ԱՀ ոստիկանության Մարտակերտի շրջբաժնի քրեական հետախուզության բաժանմունքի ծառայողները ապօրինի թմրանյութ պահելու կասկածանքով Մարտակերտի շրջանի Վանք գյուղում զննության են ենթարկել նույն գյուղի բնակիչ, 1972թ.ծնված Ն. Ա-ին պատկանող «VOLKSWAGEN GOLF» ավտոմեքենան, որի մեջ թղթե փաթեթում հայտնաբերվել է 0.04 գրամ քաշի չորացված և մանրացված թմրանյութի նմանվող զանգված: