ԿԱՅՔԻ ՔԱՐՏԵԶ
ԹԵԺ ԳԻԾ
16.07.2019 12:57
«ԳԼԽԱՎՈՐ ՃԱՆԱՊԱՐՀ» ՃԱՆԱՊԱՐՀԱՅԻՆ ՆՇԱՆԻՆ ՉՀԵՏԵՎԵԼԸ՝ ՎԹԱՐԻ ՀՆԱՐԱՎՈՐ ՊԱՏՃԱՌ
Ս.թ.հուլիսի 15-ին ժամը 16:35-ի սահմաններում, Ստեփանակերտ-Դրմբոն-Քոլատակ ավտոճանապարհի խաչմերուկում իրար են բախվել ՀՀ Արարատի մարզի բնակիչ, 1984թ.ծնված Ա. Հ-ի վարած «ԴԱՖ 95XF 380» մակնիշի և Ստեփանակերտ քաղաքի բնակիչ, 1981թ.ծնված Ս. Հ-ի վարած «ՎԱԶ-21213» մակնիշի ավտոմեքենաները, ինչի հետևանքով վերջինիս ուղևոր՝ Ստեփանակերտ քաղաքի բնակիչ, 2009թ.ծնված Գ. Հ-ն ստացած մարմնական վնասվածքներով տեղափոխվել է «Արևիկ» մանկական բուժմիավորում:
Նախնական տվյալներով վթարի պատճառ է հանդիսացել ՎԱԶ-21213» մակնիշի ավտոմեքենայի վարորդի կողմից գլխավոր ճանապարհով երթևեկող տրանսպորտային միջոցին չզիջելը։
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Հարգելի ավտովարորդներ, ճանապարհային նշանները կարգավորում և ապահովում են անվտանգ երթևեկությունը։ Եվս մենք անգամ հորդորում են խստորեն հետևել ճանապարհային նշաններին, այդ կերպ ապահովվելով Ձեր, Ձեր հարազատների և երթևեկության մնացած մասնակիցների անվտանգությունը։