ԿԱՅՔԻ ՔԱՐՏԵԶ
ԹԵԺ ԳԻԾ
26.11.2019 11:58
3 հատ տախտակ է հափշտակել
Նոյեմբերի 25-ին ժամը 00:10-ի սահմաններում ԱՀ ոստիկանության Հադրութի շրջանային բաժնի ծառայողները Հադրութ քաղաքի Փետրվարի 20 փողոցում նույն քաղաքի բնակիչ, 1990թ. ծնված Լ. Ա.-ի մոտ հայտնաբերել են 3 հատ տախտակ, որոնք գաղտնի հափշտակել էր ԱՀ ՊԲ N զորամասի հենապատի դրսի հատվածից և իր հորեղբայր՝ Է. Ա.-ի հանձնարարականով տեղափոխում էր վերջինիս պատկանող տան բակ:
Ոստիկանության ծառայողները պարզել են, որ նոյեմբերի 24-ին ժամը 19:00-ից մինչև 19:30-ն ընկած ժամանակահատվածում նշված տախտակները ԱՀ ՊԲ N զորամասում տեղակայված կաթսայատան մոտակայքից գաղտնի հափշտակել է Հադրութ քաղաքի բնակիչ, 1964թ.ծնված Է. Ա.-ն ու տեղափոխել Փետրվարի 20 փողոցի մոտ առկա զորամասի հենապատի դրսի հատվածը՝ հետագայում իրենց տուն տանելու նպատակով:
Վնասի չափը պարզվում է:
Ստուգմամբ զբաղվում է ԱՀ ոստիկանության Հադրութի շրջանային բաժինը: