ԿԱՅՔԻ ՔԱՐՏԵԶ
ԹԵԺ ԳԻԾ
18.01.2020 16:23
11 բջջային հեռախոս և էլեկտրոնային կրիչներ են գողացել
Հունվարի 17-ին քաղաքացիներից ահազանգ է ստացվել ԱՀ ոստիկանության Մարտակերտի շրջանային բաժին առ այն, որ Մարտակերտ քաղաքի Ազատամարտիկների փողոցում տեղակայված խանութներից մեկի փայտանյութից կառուցված պատը ջարդված է:
Հունվարի 16-ի մինչև հունվարի 17-ի ժամը 09:35-ն ընկած ժամանակահատվածում անհայտ անձը չպարզված եղանակով ջարդելով Մարտակերտ քաղաքի բնակիչ, 1981թ.ծնված Ա. Մ.-ին պատկանող խանութի պատը մուտք է գործել ներս, գողացել տարբեր տեսակի 11 բջջային հեռախոս և էլեկտրոնային կրիչներ:
ԱՀ ոստիկանության քրեական հետախուզության վարչության, ՀՀ ՊՆ ՌՈ Մարտակերտի բաժնի ծառայողների և ԱՀ ՊԲ զորամասերից մեկի հրամանատարական կազմի հետ համատեղ ձեռնարկված միջոցառումների արդյունքում պարզվել է, որ նշված գողությունը հունվարի 17-ի գիշերը ժամը 01:30-ի սահմաններում կատարել են ՀՀ Երևան քաղաքի բնակիչ, 2000թ.ծնված Ա. Դ.-ն և ՀՀ Արմավիրի մարզի բնակիչ, 1999թ.ծնված Կ. Մ.-ն:
Գողոնն առգրավված է:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
