ԱՀ ոստիկանության ծառայությունների և տարածքային մարմինների
                                                                   2019թ. 1-ին եռամսյակի օպերատիվ-ծառայողական
                                                                գործունեության արդյունքների մասին

2019թ. 1-ին եռամսյակում հանրապետությունում գրանցված հանցագործությունների ընդհանուր թիվը աճել է 81,7%-ով կամ 125 դեպքով (2018թ.` 153, 2019թ` 278), ինչը հիմնականում պայմանավորված է գողությունների, խարդախության, ինչպես նաև մարդու, պետական իշխանության, ծառայության և կառավարման կարգի դեմ ուղղված որոշ հանցագործությունների թվի աճով:
10.000 բնակչին բաժին ընկնող հանցագործությունների թիվը հաշվետու եռամսյակում կազմել է 18, 2018թ. նույն ժամանակահատվածի 10 համեմատ:
Հանցավորության ընդհանուր կառուցվածքում աճել է մարդու (27.4%-ից 34.5%), սեփականության (21.6%-ից 29.1%), տնտեսական գործունեության (0.7%-ից 1.4%) և պետական իշխանության, ծառայության ու կառավարման կարգի (7.2%-ից 11.9%), նվազել հասարակական անվտանգության, հասարակական կարգի և բնակչության առողջության (32%-ից 21.2%) ու շրջակա միջավայրի անվտանգության (11.1%-ից 1.8%) դեմ ուղղված հանցագործությունների տեսակարար կշիռները :

Մարդու դեմ ուղղված հանցագործությունների բաժնում 1 դեպքով (15-ից 16) աճել է դիտավորությամբ առողջությանը վնաս պատճառելու, 2-ով (3-ից 5) սեռական անձեռնմխելիության դեմ ուղղված հանցագործությունները, որի կազմում արձանագրվել է բռնաբարության 1 դեպք (2018թ.` 0), իսկ մարդու դեմ ուղղված այլ հանցագործությունների կազմում 42-ով (18-ից 60) աճել է ծեծի և 2-ով (3-ից 5) մարդու իմունային անբավարարության վիրուսի հարուցիչով վարակելու դեպքերը:
Հասարակական անվտանգության, հասարակական կարգի և բնակչության առողջության դեմ ուղղված հանցագործությունների կառուցվածքում 5 դեպքով (26-ից 31) աճել է զենք, ռազմամթերք ապօրինի կերպով ձեռք բերելու և պահելու, 2-ով (11-ից 13) ճանապարհատրանսպորտային պատահարներն, որի կազմում 1-ով` (2-ից 1) նվազել է անզգուշությամբ մահ պատճառելու,2-ով (2-ից 4) աճել է խուլիգանության դեպքերը, իսկ թմրամիջոցների հետ կապված հանցագործությունները մնացել են անփոփոխ (7 դեպք), որի կազմում թմրամիջոցների ապօրինի իրացման դեպքեր չեն հայտնաբերվել, նախորդ տարվա նույն ժամանակահատվածում արձանագրված 1 դեպքի համեմատ:
Բնակչության շրջանում տարված բացատրական աշխատանքների արդյունքում առգրավվել և կամովին հանձնվել է 46 միավոր զենք (2018թ.` 45):

Սեփականության դեմ ուղղված հանցագործությունների 53.1%-ը` (2018թ.` 75.7%) գողության դեպքեր են:
Տնտեսական գործունեության դեմ ուղղված հանցագործությունների կազմում 2 դեպքով (1-ից 3) աճել է առևտրային կամ այլ կազմակերպությունների ծառայողների կողմից լիազորությունները չարաշահելու և 1-ով (0-ից 1) հարկեր, տուրքեր կամ պարտադիր այլ վճարումները վճարելուց չարամտորեն խուսափելու դեպքերը:
Պետական իշխանության, ծառայության և կառավարման կարգի դեմ ուղղված հանցագործությունների կազմում 4-ով (0-ից 4) աճել է պաշտոնեական կեղծիքը, 1-ով (0-ից 1)` պաշտոնեական լիազորությունները չարաշահելու և 1-ով (1-ից 2) իշխանության ներկայացուցչի նկատմամբ բռնություն գործադրելու դեպքերը:

2019թ. 1-ին եռամսյակում վարույթում գտնվող քրեական գործերով բացահայտված 190 դեպքով հանցագործություն են կատարել 181 անձ (2018թ.` 107), որոնցից 33-ի (34) վերաբերյալ քրեական գործերը ուղարկվել են դատարան, իսկ 148-ի (73) նկատմամբ կարճվել կամ նյութերը մերժվել են՝ ոչ արդարացվող հիմքերով:
Հաշվետու եռամսյակում հանրապետությունում 6 անչափահասի կողմից կատարվել է 8 հանցագործություն, 2018թ. նույն ժամանակահատվածի 1 անչափահասի կողմից կատարված 1 դեպքի համեմատ։

Հաշվետու եռամսյակում գրանցված հանցագործությունների ընդհանուր բացահայտման ցուցանիշը աճել  է 0.7%-ով:

Վարույթում գտնվող քրեական գործերով հաշվառված 361 (2018թ.՝ 196) հանցագործությունով` 0.4%-ով բարելավվել է բացահայտման արդյունավետությունը, որտեղ բացահայտման տոկոսում հաշվվող 349 դեպքից բացահայտվել է 188-ը կամ 96.4%-ը 2018թ.՝ 188-ից 121 կամ 96%-ի համեմատ:Միջին ծանրության 103 հանցագործություններից բացահայտվել է 46-ը կամ 93,9% (2018թ.՝ 65-ից 41 կամ 91.1%),իսկ ծանր 33 հանցագործություններից` 5-ը կամ 83.3%, 2018թ.՝ 18-ից 6-ը կամ 85.7%-ի համեմատ։ Առանձնապես ծանր հանցագործությունների բացահայտման ցուցանիշը (2019թ. ` 5-ից 1, 2018թ.` 6-ից 5) մնացել է անփոփոխ՝ 100%։
Վարույթում գտնվող քրեական գործերով 33 ծանր հանցագործություններից չբացահայտվածէ 1-ը ինչպես նաև քննության փուլում գտնվող 27 դեպքից 11-ով հայտնի չեն հանցագործություն կատարող անձինք։

 Հաշվետու եռամսյակում հանրապետությունում գրանցվել է ճանապարհատրանսպորտային 18 պատահար (2018թ.` 15), որոնց հետևանքով մահացել է 2 (2018թ.` 3) և մարմնական վնասվածք ստացել 24 անձ (2018թ.` 15):

ԱՀ ոստիկանության  ծառայությունների և տարածքային մարմինների

2017թ. 1-ին եռամսյակի  օպերատիվ-ծառայողական

գործունեության արդյունքների մասին

         2017թ. 1-ին եռամսյակում հանրապետությունում  գրանցված հանցագործությունների  ընդհանուր թիվը աճել է 9,4%-ով կամ 19 դեպքով (2016թ.` 203, 2017թ` 222), որը հիմնականում պայմանավորված է մարդու, պետական իշխանության, ծառայության և կառավարման կարգի դեմ ուղղված որոշ հանցագործությունների աճով:

Հանցագործությունների աճին զուգընթաց հանցավորության մակարդակը հանրապետությունում 10.000 բնակչի հաշվարկով կազմել է 15,1 2016թ. 1-ին եռամսյակի 13,6-ի համեմատ:

Հանցավորության  ընդհանուր  կառուցվածքում  աճել են մարդու (22,7%-ից 34,2%), պետական իշխանության, ծառայության և կառավարման կարգի (7,9%-ից 12,2%) և շրջակա միջավայրի անվտանգության (2,4%-ից 3,6%) դեմ ուղղված հանցագործությունների  մասնաբաժինները: Նվազել են հասարակական  անվտանգության, հասարակական կարգի և բնակչության առողջության (29,1%-ից 22,1%), սեփականության (34,9%-ից 26,1%),  և  տնտեսական գործունեության (3%-ից 1,8%) դեմ ուղղված  հանցագործությունների  տեսակարար կշիռները:

Հաշվետու եռամսյակում 1-ով (16-ից 15) նվազել են ծանր, 7-ով (10-ից 3) առանձնապես ծանր հանցագործությունները, իսկ միջին ծանրության  հանցագործությունները  աճել  են 1 դեպքով (82-ից 83): Հրազենի, ռազմամթերքի գործադրմամբ կատարված հանցագործությունները նվազել են 3 դեպքերով (4-ից 1):

Մարդու դեմ ուղղված հանցագործությունների կազմում 2 դեպքով (16-ից 18) աճել  են դիտավորությամբ առողջությանը վնաս պատճառելու, 1-ով (2-ից 3) սեռական անձեռնմխելիության  դեմ ուղղված հանցագործությունները, ինչպես նաև 23-ով (26-ից 49)` մարդու դեմ ուղղված այլ հանցագործությունները, որոնցից 41-ը ծեծի ենթարկելու կամ այլ բռնի գործողություններ կատարելու դեպքեր են, 2016թ. նույն ժամանակահատվածի 21-ի համեմատ։

Հասարակական անվտանգության, հասարակական կարգի և բնակչության  առողջության դեմ ուղղված հանցագործությունների կառուցվածքում 12 դեպքով (25-ից 13) նվազել են թմրամիջոցների ապօրինի շրջանառության դեպքերը, ընդ որում 6-ով` (9-ից 3)  թմրամիջոցների ապօրինի իրացումը: Նույն է մնացել (25) հրազեն, ռազմամթերք ապօրինի պահելու դեպքերը, իսկ ճանապարհատրանսպորտային պատահարներն աճել են 1-ով (8-ից 9):

     Սեփականության դեմ ուղղված հանցագործությունների կազմում 3-ով (5-ից 8) աճել են  պետական  կամ  հանրային  գույքի  յուրացման  կամ վատնման, 5-ով (1-ից 6) անձնական  գույքի  խարդախության, իսկ 3-ով` ուրիշի գույքը դիտավորությամբ և անզգուշությամբ ոչնչացնելու կամ վնասելու դեպքերը: Անձնական գույքի հափշտակությունների մասնաբաժնում որպես դրական միտում 23 դեպքով (56-ից 33)  նվազել են   անձնական  գույքի գողությունները, այդ թվում 7-ով (14-ից 7)` բնակարանային:

         Հաշվետու եռամսյակում 2 դեպքով (6-ից 4) նվազել են տնտեսական գործունեության դեմ ուղղված հանցագործությունները:

Պետական իշխանության, ծառայության  և կառավարման կարգի դեմ ուղղված հանցագործությունների կազմում 12-ով (6-ից 18) աճել է պաշտոնեական կեղծիքը, 3-ով (4-ից 1)`  նվազել պաշտոնեական լիազորությունները չարաշահելու դեպքերը:

2017թ. 1-ին եռամսյակում  վարույթում գտնվող քրեական գործերով բացահայտված 166 հանցագործություններով քրեական  պատասխանատվության է ենթարկվել 158 անձ (2016թ.` 156-ի համեմատ), որոնցից 34-ի (38) վերաբերյալ քրեական  գործերը ուղարկվել են դատարան, իսկ 124-ի նկատմամբ (118) կարճվել կամ  նյութերը մերժվել են՝ ոչ  արդարացվող  հիմքերով,

         Հաշվետու եռամսյակում հանրապետությունում 7 անչափահասների  կողմից ընդհանուր կատարվել է 8 հանցագործություն, 2016թ. նույն ժամանակահատվածի 12 անչափահասի կողմից կատարված 12 դեպքերի համեմատ։

         2017թ. 1-ին եռամսյակում հանցագործությունների աճի պարագայում  նվազել է  դրանց բացահայտման  արդյունավետությունը։ Այսպես գրանցված 222 (2016թ.՝ 203) հանցագործություններից բացահայտման տոկոսում հաշվվող 212 դեպքերից  բացահայտվել է  163-ը կամ  98,8%-ը (2016թ՝. 200-ից 153  կամ   100%-ի համեմատ):

Միջին ծանրության և առանձնապես ծանր հանցագործություններով ապահովվել է 100%, իսկ ծանր հանցագործությունների բացահայտման ցուցանիշը կազմել է 83,3%  (2016թ. 100%-ի համեմատ)։

         Վարույթում գտնվող քրեական գործերով 239 (2016թ.՝ 243) հանցագործություններից բացահայտման տոկոսում հաշվվող  229 դեպքերից  բացահայտվել է  166-ը կամ 93,8%-ը (2016թ.՝ 240-ից 169 կամ 98,8%-ի համեմատ): Միջին ծանրության 90 հանցագործությունից՝ 56-ը կամ 91,8% (2016թ.՝ 99-ից 62  կամ 98,4%), իսկ ծանր 20 հանցագործություններից 6-ը կամ 60% (2016թ.՝ 28-ից 6 կամ 85,7%-ի համեմատ)։ Առանձնապես ծանր հանցագործությունների  բացահայտման ցուցանիշը  մնացել է  նույնը՝ 100%։

         Վարույթում գտնվող քրեական գործերով 20 ծանր հանցագործություններից 6-ը բացահայտված է, 4-ը՝  չբացահայտված, ինչպես նաև  քննության փուլում գտնվող 10 դեպքերից 8-ով հայտնի են   կատարող անձինք։        

         Հաշվետու եռամսյակում  նախկին տարիներին  կասեցված  քրեական գործերով  բացահայտվել է 3 հանցագործություն (2016թ.` 5-ի համեմատ)։

         Հաշվետու եռամսյակում 1 դեպքով (8-ից 9) աճել են ճանապարհատրանսպորտային պատահարների հետևանքով հանցագործությունների, 3-ով` (10-ից 13) ճանապարհատրանսպորտային պատահարների, 6-ով` (11-ից 17) վիրավորների, իսկ 1-ով` (2-ից 1) նվազել զոհերի թիվը։